Figân ki çeşm-i bütân gâh mest ü geh mahmûr
Nihân alur dil ü cân gâh mest ü geh mahmûr
Dirîg geçmede eyyâm-ı ‘ömr gaflet ile
Misâl-i bâde-keşân gâh mest ü geh mahmûr
O rind-i bâde-perestem ki subh u şâm iderüm
Tavâf-ı kûy-ı mugân gâh mest ü geh mahmûr
Hücûm-ı gamla serâsîme oldugumdur kim
Sanurlar ehl-i cihân gâh mest ü geh mahmûr
Metâ‘-ı ‘akl u dili çokdan itmişem Âgâh
Fedâ-yı ratl-ı girân gâh mest ü geh mahmûr
Agah
Yorum Yaz
ŞİİRİ SESLENDİRMEK İSTER MİSİNİZ?
Şiiri kendi sesinizle okuyabilir ve hemen yükleyebilirsiniz.
