Neler Oluyor?
00-00-0000 - 00-00-0000
Kim ki derer bu kûşenin lâlesini kucak kucak
Bağrın yakar başına kan koyar felek tabak tabak
Câm-ı ecel içirmeğe herkesi sâkî-yi felek
Meş’ale-i mihr ü mâh ile dün gün arar bucak bucak
Bâğ-ı fenâya kim gelir sanır murâdı el verir
Aşr-ı cefâ ineb gibi kanım döker çanak çanak
Kankı çerâğı kim yakar bu tekye içre rûzgâr
Köyleyiben üf dimeğe gezer bu dem ocak ocak
Gülşen-i fânîye gelip kim kosa başına gülü
Sarsar-ı gayreti hemân kopar anı varak varak
Nice taayyün eylesin tîh-i fenâ misâfiri
Ardın sürer çünki ecel kâfilesi konak konak
Deşt-i fenâda nice bir ün ile nefsin âhûsı
Sayd etmeğe gürg-i ecel izle yürür toyak toyak
Ravza-i âlemde kimin revha ede fidânını
Tîşe-i kahr ile dönüp kesmeyiser budak budak
Atlas-ı unsurı dokur her kime cüllâh-ı cihân
İzzet-i şevket Şemsiyâ tîz sökiser tarak tarak
ŞEMSEDDİN SİVASİ
